ഭൂപടം 2026
കോട്ടപ്പടി ഗ്രാമപഞ്ചായത്തിലെ വാർഡ് വിഭജനവുമായി ബന്ധപ്പെട്ട് കേരള ഡീലിമിറ്റേഷൻ കമ്മീഷൻ പുറപ്പെടുവിച്ച അന്തിമ ഉത്തരവുപ്രകാരം പഞ്ചായത്തിനെ 15 നിയോജക മണ്ഡലങ്ങളായി (വാർഡുകളായി) വിഭജിക്കുകയും അവയുടെ അതിർത്തികൾ അന്തിമമായി നിശ്ചയിക്കുകയും ചെയ്തിട്ടുണ്ട്. ഇതിനുമുമ്പ് പ്രസിദ്ധീകരിച്ച കരട് നിർദ്ദേശങ്ങളുമായി ബന്ധപ്പെട്ട് പൊതുജനങ്ങളിൽ നിന്ന് ലഭിച്ച പരാതികളും അഭിപ്രായങ്ങളും പരിശോധിച്ച്, ബന്ധപ്പെട്ടവരെ കേട്ട്, അവ പരിഗണിച്ച ശേഷമാണ് അന്തിമ തീരുമാനം കൈക്കൊണ്ടത്. ഭരണസൗകര്യവും വികസന പ്രവർത്തനങ്ങളും കൂടുതൽ ജനങ്ങളിലേക്ക് എത്തിക്കുന്നതിന്റെ ഭാഗമായി നിലവിൽ വന്ന ഈ പുതിയ ക്രമീകരണമനുസരിച്ച് ഗ്രാമപഞ്ചായത്തിലുള്ള 15 വാർഡുകള് താഴെ പറയുന്നവയാണ്.
വാര്ഡ് നമ്പര് | വാര്ഡിന്റെ പേര് |
I | പ്ലാമുടി |
II | കല്ലുമല |
III | മുട്ടത്തുപാറ |
IV | ചേലയ്ക്കാപ്പിളളി |
V | ഉപ്പുകണ്ടം |
VI | വടാശ്ശേരി |
VII | മൂന്തൂര് |
VIII | നാഗഞ്ചേരി |
IX | പാനിപ്ര |
X | തുരങ്കം |
XI | കൊളളിപ്പറമ്പ് |
XII | പാറച്ചാലിപ്പാറ |
XIII | ചേറങ്ങനാല് |
XIV | കോട്ടപ്പടി |
XV | കോട്ടപ്പടി വെസ്റ്റ് |
